حکومت پنجاب نے سپیشل بچوں کی تعلیم و تربیت پر خصوصی فوکس کررکھا ہے،ڈپٹی کمشنر وسیم حامد سندھو

ملتان: ڈپٹی کمشنر وسیم حامد سندھو نے کہا ہے کہ حکومت پنجاب نے سپیشل بچوں کی تعلیم و تربیت پر خصوصی فوکس کررکھا ہے اس سلسلے میں سپیشل ایجوکیشن ڈیپارٹمنٹ کو سپیشل بچوں کی مکمل کفالت اور سہولیات فراہمی کا حکم دیا ہے قبل ازیں وسیم حامد سندھو نے شاداب انسٹی ٹیوٹ آف سپیشل ایجوکیشن کا اچانک دورہ کیا اس موقع پر ڈپٹی کمشنر نے سپیشل بچوں سے ملاقات کی اور انکے کورسز و کلاس رومز کا معائنہ بھی کیا اس موقع پر وسیم حامد سندھو نے سپیشل بچوں کے ساتھ ٹیبل ٹینس کھیلی اور سرگرمیوں میں حصہ لیا۔ڈپٹی کمشنر وسیم حامد سندھو نے کہا کہ سپیشل بچوں کے علاج و معالجہ و بحالی کیلئے نشتر ہسپتال کی خصوصی میڈیکل ٹیم بھیجنے کا حکم دیا گیا ہے کیونکہ سپیشل بچے ہمارے معاشرے کا اہم رکن ہیں انکو بامقصد شہری بنانا ضلعی انتظامیہ کی ترجیح ہے۔ڈپٹی کمشنر کا کہنا تھا کہ سپیشل ایجوکیشن اداروں تک ہر بچے کو رسائی دینے کیلئے اقدامات جاری ہیں اس موقع پر انہوں نے ہدایت کی کہ سپیشل ایجوکیشن ادارے بچوں کی صلاحیتیں نکھارنے کیلئے جدید ٹیکنکل کورسز کا آغاز کریں