سندھ اسمبلی میں طلباء یونین کے انتخابات کی قرارداد مسترد، حکومت کا عملدرآمد پر موقف واضح

کراچی (لیہ ٹی وی)سندھ اسمبلی نے جماعت اسلامی کے رکن محمد فاروق کی طلباء یونین کے انتخابات سے متعلق قرارداد کو اکثریت رائے سے مسترد کر دیا۔ محمد فاروق نے اجلاس کے دوران کہا کہ طلباء یونین کی بحالی کے احکامات دو ماہ قبل دیے گئے تھے اور سپریم کورٹ بھی طلباء یونین کے انتخابات کرانے کے احکامات دے چکی ہے۔ ان کا مطالبہ تھا کہ طلباء کے بنیادی حقوق کے مطابق انتخابات جلد کرائے جائیں۔
اس پر وزیرِ پارلیمانی امور ضیاء النجار نے ردعمل دیتے ہوئے کہا کہ طلباء یونینز پر عملدرآمد ہو رہا ہے اور پیپلز پارٹی کا اس معاملے پر اپنا موقف ہے۔ انہوں نے مزید کہا کہ سندھ حکومت نے طلباء یونینز پر عائد پابندیاں ہٹا دی ہیں اور اس قرارداد کی ضرورت نہیں۔