لیہ(نمائندہ لیہ ٹی وی) ڈپٹی کمشنر امیرا بیدار سے ان کے دفتر میں نو منتخب عہدیداران ڈسٹرکٹ بار نے ملاقات کی۔ اس موقع پر صدربار بہرہ یاب فرید خان، نائب صدر صنوبر گل، جنرل سیکرٹری عمران خان سرگانی، جوائنٹ سیکرٹری غضنفر عباس، لائبریری سیکرٹری سجاد احمد ملک،فنانس سیکرٹری محمد اکبر خان میرانی، صائمہ الطاف ایڈووکیٹ، محمد فضل حسین ایڈووکیٹ، شاہد رضا نقوی ایڈووکیٹ، ملازم حسین ایڈووکیٹ، محمد شہزاد رفیق ایڈووکیٹ، عبدالحنان رانا ایڈووکیٹ، ثوبیہ شاہین ایڈووکیٹ، رحمت بی بی ایڈووکیٹ، محمود الحسن ایڈووکیٹ اور عاطف ابراہیم ایڈووکیٹ موجود تھے۔ ملاقات میں ایڈیشنل ڈپٹی کمشنرز شاہد ملک، شبیر احمد ڈوگر، اسسٹنٹ کمشنر حارث حمید خان بھی موجود تھے۔ ڈپٹی کمشنر امیرا بیدار نے ڈسٹرکٹ بار کے نو منتخب عہدے داران کو مبارکباد دی اور ایگزیکٹو باڈی میں خواتین ممبران کی موجودگی پر مسرت کا اظہار کیا۔ ڈپٹی کمشنر نے کہا کہ انتظامیہ اور بار عوام کی فلاح و بہبود کے لیے بہترین ربطہ کاری کے تحت کام کرے گی اور ریونیو سے متعلق تمام معاملات کے دیرینہ کیسز کو جلد حل کیا جائے گا۔ ڈپٹی کمشنر نے کہا کہ ریونیو عدالتوں میں وکلاءکے لیے بیٹھنے، پانی اور پنکھوں کا مناسب انتظام کیا جائے گا۔
