لیہ(نمائندہ لیہ ٹی وی)تھانہ کروڑ لعل عیسن کی حدود کاظمی چوک کے قریب ناکے پر فائرنگ موٹر سائیکل سوار دو زخمی دو پولیس اہلکار گرفتار ،علاقے میں بڑھتی چوری ڈکیتی کی وارداتوں کی شکایات پولیس ترجمان کے مطابق کاظمی چوک کے قریب پولیس اہلکاروں نے مشکوک سمجھ کر موٹر سائیکل سواروں کو ناکے پر روکا۔موٹر سائیکل سواروں کے نہ رکنے پر پولیس اہلکاروں نے فائرنگ کر دی۔:فائرنگ کے نتیجے میں طاہر اور مشتاق زخمی ہو گئے جنہیں ڈسٹرکٹ ہیڈ کوارٹر ہسپتال لیہ سے نشتر ہسپتال ملتان ریفر کر دیا گیا ڈیوٹی پر موجود فائرنگ کے مرتکب دونوں پولیس اہلکاروں کے خلاف اقدام قتل کا مقدمہ درج کر کے حسب ضابطہ گرفتار کر لیا گیا لیہ لیہ پولیس ترجمان کے مطابق :ملزمان کو کیفرکردار تک پہنچا کر متاثرین کو ہر صورت انصاف فراہم کیا جائے گا۔ قانون سب کےلیے برابر ہے کسی بھی پولیس افسر کو اختیارات سے تجاوز کرنے کی اجازت نہ ہے۔ گرفتار پولیس ملزمان میں طاہر مسعود اور کانسٹیبل غلام مصطفیٰ شامل ہیں
