وزیراعلیٰ پنجاب مریم نواز شریف کے احکامات کی روشنی میں ضلع لیہ میں ستھراپنجاب جاری

لیہ( نمائندہ لیہ ٹی وی)وزیراعلیٰ پنجاب مریم نواز شریف کے احکامات کی روشنی میں ضلع لیہ میں ستھراپنجاب جاری ہے ۔ ڈپٹی کمشنر امیرا بیدار کی ہدایت پرمہم میں مزید بہتری کے لیے ایڈیشنل ڈپٹی کمشنر ریونیو محمد شاہد ملک کی زیرصدارت بستی شادو خان میں ستھرا پنجاب کے حوالے سے اجلاس منعقد ہوا۔ا جلا س میں اسسٹنٹ کمشنر حارث حمیدخان ،ڈپٹی ڈائریکٹرڈویلپمنٹ کامران جاوید ،سینٹری ورکرموجو دتھے۔ ایڈیشنل ڈپٹی کمشنر ریونیو محمد شاہد ملک نے کہاکہ وزیر اعلیٰ مریم نواز شریف صوبہ پنجاب کی تعمیروترقی ،صفائی ستھرائی کے لیے کوشاں ہیںاس لیے ضلعی انتظامیہ صفائی کرنے کے لیے بہترین اقدامات اُٹھارہی ہیں انہوں نے کہاکہ مہم میں مزید بہتری کے لیے شہریوں کا تعاون ناگز یر ہے لہذا عوام کو اس پروگرام میں بڑھ چڑھ کر حصہ لینا چاہیے تاکہ ہم اپنا ماحول صاف ستھرا رکھ سکیں۔ انہوں نے کہا کہ ستھرا پنجاب پروگرام کو کامیاب بنانے کے لئے نمبرداروں اور سیکرٹریز یونین کونسل کو ہراول دستے کا کردار ادا کرنا ہوگا۔انہوں نے اس موقع پر سینٹری ورکرز سے کہاکہ وہ جس طرح محنت ،لگن ،ایمانداری سے کام کررہے ہیں اس طرح ہی کام کرتے رہیں تاکہ ہمارا لیہ صفائی ستھرائی میں بہترین منظر پیش کرسکیں۔