لیہ(لیہ ٹی وی )نئے تعینات ہونے والے ڈسٹر کٹ پولیس آفیسر لیہ محمدعلی وسیم نے اپنے عہدے کا چارج سنبھال لیہ ،دفتر پولیس آمد پر پولیس کے چاک و چوبند دستے نے انہیں سلامی پیش کی ،دفتری سٹاف نے ان کا پرتپاک استقبال کیا ،
ڈی پی او لیہ سے ہیڈ آف برانچز کا باری باری تعارف کروایا گیا،ڈی پی او علی وسیم نے دفترپولیس میں قائم مختلف برانچز(پولیس خدمت مرکز،تحفظ مرکز ،میثاق سنٹر،آئی ٹی برانچ،ریڈر برانچ،سکیورٹی برانچ و دیگر ) کا وزٹ کیا،تعینات سٹاف سے روزمرہ ورکنگ بارے دریافت کیا،دفتر پولیس میں تعارفی میٹنگ کا انعقاد کیا گیا ،ڈی پی اولیہ علی وسیم نے پولیس افسران سے خطاب کرتے ہوئے کہا کہ سائلین کو میرٹ پر انصاف کی فراہمی کا عزم لے کر آیا ہوں ،پولیس افسران تھانہ پر آنے والے سائلین کے ساتھ خوش اخلاقی کے ساتھ برتاؤ کریں،ان کے مسائل ترجیحی بنیادوں پر حل کریں ،مظلوموں کے ساتھ ہتک آمیز رویہ ہرگز برداشت نہیں کیا جائے گا،جرائم کے سدباب کے لیےزیرو ٹالرینس پالیسی پر عمل کرتے ہوئے پولیس افسران مثالی کارکردگی کا مظاہرہ کریں ،بہترین کارکردگی والے پولیس افسران کی حوصلہ افزائی کی جائے گی جبکہ ناقص کارکردگی پر سرزنش کی جائے گی۔ڈی پی او لیہ نے پولیس لائن میں قائم یادگار شہداء پر حاضری دی ،پھول چڑھائے اور شہداء کے بلند درجات کے لیے دعا مانگی۔
