وزیراعلی پنجاب مریم نواز نے روایتی سرخ فیتہ کلچر کے خاتمہ اور اوپن ڈور پالیسی کے نفاذ کیلئے زیرو ٹالرنس پالیسی کے احکامات دیے ہیں، کمشنر ملتان ڈویژن مریم خان

ملتان (لیہ ٹی وی) وزیراعلی پنجاب مریم نواز کی ہدایت پر کمشنر و ڈپٹی کمشنرز دفاتر میں عوامی رابطہ کے اوقات مقرر ہیں۔اس سلسلے میں کمشنر ملتان ڈویژن مریم خان نے کمشنر آفس میں اپنے دفتر کے باہر شہریوں کے مسائل سنے اور فوری حل کے احکامات دیے۔ انہوں نے کہا کہ میونسپل سروسز کی فراہمی میں تاخیر برداشت نہیں کی جائے گی۔ شہریوں کو سہولت دینے اور مسائل کے حل کیلئے افسران فیلڈ میں نکلیں۔ شکایات کے حل کیلئے فوری ایکشن لیں۔ انہوں نے کہا کہ وزیراعلی پنجاب مریم نواز نے روایتی سرخ فیتہ کلچر کے خاتمہ اور اوپن ڈور پالیسی کے نفاذ کیلئے زیرو ٹالرنس پالیسی کے احکامات دیے ہیں۔