لیہ(نمائندہ لیہ ٹی وی)اسسٹنٹ کمشنر تحصیل چوبارہ ثنااللہ ہنجرا نے ٹی ایچ کیوہسپتال چوبارہ کا معائنہ کیا۔انہوں نے اس موقع پر مریضوں کی خیریت دریافت کی۔انہوں نے مریضوں و لواحقین سے سٹاف کے رویے، علاج معالجہ،ادویات کی فراہمی کی سہولیات بارے پوچھا جس پر انہوں نے اطمینا ن کااظہار کیا۔اسسٹنٹ کمشنر نے اسپتال انچارج وسٹاف کی ڈیوٹی روسٹرکے مطابق حاضری،ایمرجینسی،سٹور ادویات ،ٹوائلٹس بلاک ،وارڈز کی صفائی کی چیکنگ کی۔انہوں نے اس موقع ہدایات دیتے ہوے کہا کہ حکومت پنجاب دستیاب وسائل کو بروے کار لاتے ہوے ہسپتالوں میں علاج معالجہ کی بہترین اور فوری سہولیات کی فراہمی کے لئے کوشاں ہے سٹاف اور ادویات کی موجودگی کو یقینی بنایا جارہا ہے تاکہ آنے والے مریضوں کو طبی سہولیات سے ہمہ وقت مستفید کیاجاسکے۔
