لیہ(نمائندہ لیہ ٹی وی)ضلع لیہ میں 28اکتوبر سے شروع ہونے والی انسداد پولیومہم کے انتظامات مکمل۔پانچ سال تک کے ہر بچے کوفوکس کیاجائے گا ۔انسداد پولیومہم میں 1797ٹیمیں خدمات انجام دیں گی ۔4لاکھ سے زائد بچوں کو قطرے پلائے جائیں گے۔پھول جیسے بچوں کو پولیوسے محفوظ رکھنے کے لیے عزم رزم سے کام کرنا ہوگا،ڈپٹی کمشنر امیرا بیدار۔تفصیل کے مطابق ڈپٹی کمشنر امیرا بیدارکی زیرصدارت انسداد پولیومہم کا اجلاس منعقدہوا۔اجلاس میں اسسٹنٹ کمشنر ز حار ث حمیدخان،ثنااللہ ہنجرا،سی ای اوصحت ڈاکٹرشاہدریاض،ڈاکٹرعبدالروف ودیگرموجودتھے۔ڈپٹی کمشنرنے اجلاس سے خطا ب کرتے ہوئے کہاکہ ٹیمیں ضلع کے پولیو فری اعزاز کے لئے لگن سے کام کریں پولیو ایک موذی مرض ہے اسے ملک سے ختم کرنے کے لئے مشترکہ جدو جہد کی ضرورت ہے۔ انہوں نے کہا کہ کچے، تھل کے علاقہ، خانہ بدوش بچوں اور داخلی خارجی راستوں پر بھرپور توجہ دی جائے ٹیمیں پولیو ویکسین کے قطرے نہ پلانے والے والدین کی فوری رہنمائی کریں جبکہ کورونا ویکسینیشن مہم کے ٹارگٹ کے حصول کے لئے کوششیں تیز کی جائیں اور ضلع کے پولیوفری اعزازکو برقرار رکھاجائے۔انہوں نے اپنے پیغا م میں معاشرے کے تمام طبقات بالخصوص ضلع بھرکے میڈیاپلیٹ فارم سے کہاکہ موجود ہ دورمیں میڈیا کے مختلف ذرائع پیغام رسانی کا تیز ترذریعہ ہے اس لیے پولیو کے قطرے پلانے کے لیے آگاہی پیدا کرکے اپنا نمایاں کردار ادا کریں تاکہ وطن عزیزکے ہر گھرمیں پھول جیسے بچوں کوپولیوسے محفوظ رکھاجاسکے۔اس موقع پرسی ای اوصحت ڈاکٹرشاہدریاض نے بتایاکہ مہم میں 56یوسی ایم اوز،78فکسڈسائیڈ،58ٹرانزرٹ پوائنٹس جبکہ 1661موبائل ٹیموں کے ذریعے سوفی صدٹارگٹ حاصل کیاجائے گا۔
