المصطفیٰ ویلفیئر ٹرسٹ کے زیر انتظام لبنان کے دارلحکومت بیروت کے نواحی علاقہ صیدا ( Sidon) کے پاس جنگ ذدہ علاقے میں کچن قائم

ملتان(لیہ ٹی وی) چیئرمین” المصطفیٰ ویلفیئر ٹرسٹ “عبدالرزاق ساجدنے کہا کہ لبنان کے دارلحکومت بیروت کے نواحی علاقہ صیدا ( Sidon) کے پاس جنگ ذدہ علاقے میں کچن قائم کر دیا ہے جہاں سے روازانہ کی بنیاد پر بے گھر ہونے والے افراد کو دو وقت کا کھانا فراہم کیا جائے گا،چیئرمین “المصطفیٰ” عبدالرزاق ساجد جو گزشتہ ہفتے اپنی ٹیم کے ہمراہ لبنان کے ان علاقوں میں ریلیف ایفرٹس کیلئے گئے تھے جہاں مہینوں سے ہو رہی بمباری کی وجہ سے لاکھوں افراد اپنے وطن میں ہوتے ہوئے بھی بے گھر ہیں انہوں نے کہا ان علاقوں میں تباہی اسقدر بڑی ہے کہ اگر آج جنگ ختم ہو بھی جائے تو زندگی معمول پر آنے میں برسوں کا وقت لگ جائے گا اور اربوں پاو ¿نڈ درکار ہوں گے لیکن یقیناً ان جانوں کی کوئی قیمت یا متبادل نہیں جو اپنی جان سے گزر چکے ہیں عبد الرزاق ساجد نے کہا المصطفیٰ ویلفیئر ٹرسٹ جذب انسانی کے تحت ابھی تک لبنان کے سرحدی علاقوں میں لاکھوں پاو ¿نڈ مالیت کا سامان تقسیم کر چکا ہے جس میں کمبل، گدے، کھانے پینے اور ضروریات زندگی کی دیگر اشیا شامل ہیں، ا ±نہوں نے کہا ” المصطفیٰ“ قبل ازیں بھی غزہ اور لبنان میں مقامی چیریٹی کے ساتھ مل کر کام کر رہی تھی لیکن ان دنوں یہاں لاکھوں افراد بے گھر ہیں، کاروبار اور تعلیمی ادارے بند ہیں ان قدرے مخفوظ سمجھی جانے والی عمارتوں میں جو افراد عارضی طور پر رہائش پذیر ہیں و ±ہ انتہائی کسمپرسی کی حالت میں ہیں ان کے پاس پینے کا صاف پانی ہے نہ کھانے اور ضروریات زندگی کی بنیادی اشیا چنانچہ ان کے اس د ±کھ میں اپنا انسانی فرض نبھانے کیلئے ہم نے یہاں ایک کچن قائم کر دیا ہے جہاں سے ہزاروں افراد کو روزانہ دو وقت کے کھانے کی فراہمی ممکن ہو سکے گی لیکن اس کے باوجود ”المصطفیٰ ویلفیئر ٹرسٹ“ سمجھتا ہے کہ ابھی ان علاقوں میں اپنے بھائیوں، بہنوں اور معصوم بچوں کی ہر ممکن مدد کرنے کے لئے بڑے پیمانے پر اقدامات ا ±ٹھانے کی ضرورت ہے اور ہم انسانیت کی یہ خدمت اپنے ڈونرز کی مدد سے جاری رکھیں گے۔