ملتان(لیہ ٹی وی ) محتسب پنجاب کے حکم پر سائلین کی دادرسی کے لیے صوبہ بھر سے مختلف درخواست گزاران نے سرکاری رقبہ اور سرکاری گزرگاہ پر قبضہ کے حوالے سے شکایت گزاری کہ ان قبضہ مافیا سے سرکاری رقبہ واگزار کروایا جائے۔ محتسب پنجاب نے متعلقہ صوبائی افسران کو ہدایات جاری کیں کہ وہ مذکورہ رقبہ ملکیتی صوبائی حکومت کی حسب ضابطہ واگزاری کروائیں۔ جس پرکاروائی کرتے ہوئےکل120 کنال سرکاری رقبہ واگزار کروا گیا. جس کی مارکیٹ مالیت 1کروڑ 16لاکھ روپے سے زائد ہے۔ مزید محتسب پنجاب کی کوششوں سے سرکاری گزرگاہ /اراضی کو بھی قبضہ مافیاسے واگزار کروا لیاگیا جبکہ سرکاری دفاتر میں زیر التواء اراضی انتقال اور اجراء بیع نامہ کی شکایات کو بھی قواعد و ضوابط اور انصاف کے تقاضوں کے مطابق نمٹا دیا گیا۔ درخواست دہندگان نے بر وقت ازالہ شکایات پر محتسب پنجاب کا شکریہ ادا کیا۔
