لیہ (نمائندہ لیہ ٹی وی)ایڈیشنل ڈپٹی کمشنر ریونیو محمد شاہد ملک کی زیر صدارت ڈسٹرکٹ ایگریکلچر ایڈوائزری کمیٹی اور ٹاسک فورس سب کمیٹی کا اجلاس منعقد ہوا۔ اجلاس میں ڈپٹی ڈائریکٹرزراعت شیخ عاشق حسین ،اسسٹنٹ ڈائریکٹرز محمدحفیظ،شہبازحسین،ریاض کلاسرہ،اسد عباس،آپریشن مینجرزرعی ترقیاتی بنک سجاد حسین،کھاد ڈیلرز مظہرحسین ،محمدشفیق ودیگر موجودتھے۔اجلاس میں بریفنگ دیتے ہوئے بتایا گیاکہ تحصیل چوبارہ میں 1750ایکڑپر چنے کی فصل کاشت کی جائے گی،7ہزار ایکڑ پر گنے کی کاشت مکمل ہوچکی ہے ،10نومبر تک چاول و کینولاتک کاشت کی جائے گی،تحصیل لیہ میں 5548کسان کارڈ،چوبارہ میں 7411کسان کارڈ،چوبارہ میں 2750کسان کارڈ تقسیم کرکے مہم کا 80فی صد اہداف حاصل کیاجاچکا ہے ،گرین ٹریکٹرسکیم کے تحت 55سو درخواستیں وصول کی جاچکی ہیں،کینولاماڈل کاشت اُگانے کے لیے 59درخواستیں موصول ہو چکی ہیں ۔ایڈیشنل ڈپٹی کمشنر ریونیو محمد شاہد ملک نے اجلاس سے خطاب کرتے ہوئے کہاکہ حکومت پنجاب کسان کارڈ، گرین ٹریکٹر سکیم کے زریعے کسانوں و شعبہ زراعت کو سہولیات دینے میں ہے کیونکہ شعبہ زراعت ملکی معیشت کلیدی اہمیت کا حامل ہے اس پر خصوصی فوکس کیا جائے۔ انہوں نے کہا کہ کسانوں کو اپنی فصلوں کی باقیات نہ جلانے بارے خصوصی طور پر آگاہ کیا جائے ۔
