لیہ ( نمائندہ لیہ ٹی)ڈپٹی کمشنر امیرابیدار کی زیرصدارت نمبردار ایسوسی ایشن کااجلاس منعقد ہوا۔ اجلاس میں ڈویژنل صدر چوہدری ظفر اقبال،ودیگر عہدےدارعبدالحنان رانا،محمدارشد گھمن،محمدرمضان کھرل،محمداشفاق،رانا محمداکبر،نصراللہ ودیگر موجودتھے۔ڈپٹی کمشنر امیرابیدارنے کہاکہ نمبرداروں کی خالی اسامیوں کو فی الفور پورا کیاجائے انہوں نے کہاکہ ایس اوپیز کے مطابق بزرگ نمبرداروں کے بیٹے کو نمبردار کی ذمہ داری تفویض کرنے کے لیے ضروری اقدامات عمل میں لاے جائیں۔ڈپٹی کمشنر نے کہاکہ تمام محکموں کو گاوں کی سطح پر نمبرداروں کی اہمیت و افادیت سے آگاہ کرنے کے لیے خطوط ارسال کیے جائیں گے۔ڈپٹی کمشنر نے نمبردار ایسویسی ایشن کو ستھرا پنجاب، کسان کارڈ، گرین ٹریکٹر سکیم و دیگر امور پر دیہی سطح پر ضلعی انتظامیہ کے ساتھ باہمی امور پر معاملات کے حوالے سے ہدایات جاری کیں
