لیہ( نمائندہ لیہ ٹی وی)وزیر اعلی پنجاب مریم نواز شریف کے احکامات پرصارفین کو مقررہ نرخوں پر اشیاءضروریہ کی فراہمی کے لیے جاری خصوصی مہم کے سلسلہ میں پرائس کنٹرول مجسٹریٹس متحرک ہیں ۔ڈپٹی کمشنرامیرا بیدار کی ہدایت پر ضلع بھر میں گراں فروشوں اور ذخیرہ اندوزی کے خلاف تحصیل کروڑ ،چوبارہ و لیہ میںپرائس کنٹرول مجسٹریٹس کی نگرانی میں معائنوں کا سلسلہ جاری ہے ۔ اسسٹنٹ کمشنر تحصیل چوبارہ /پرائس کنٹرول مجسٹریٹ ثناءاللہ ہنجرا نے پٹرول پمپس کا معائنہ کیا اور پٹرول کے پیمانے ،ریٹ کو چیک کیا۔انہوں نے اس موقع پر ایک پمپ کو فارم کے مطابق کمپنی کا آئل فروخت نہ کرنے پر جرمانہ عائد کیا اور سخت وارننگ دی۔
