لیہ(نمائندہ لیہ ٹی وی)حکومت پنجاب کے احکامات کی روشنی میں غیرقانونی ایل پی جی سلنڈر کی ریفلنگ کرنے والوں کے خلاف سخت ایکشن جاری ہے۔ڈائریکٹر سول ڈیفنس پنجاب ڈاکٹر ذیشان حنیف کی ہدایت پرسول ڈیفنس آفیسرمحمدتوقیر نے لیہ سٹی کے مختلف مقامات پر دوکانوں کا معائنہ کیا۔انہوں نے اس موقع پر غیر قانونی ایل پی جی ریفلنگ کے خلاف کاروائی کرتے ہوئے 2 ایل پی جی ری فلنگ شاپ سیل کر کے تھانہ سٹی لیہ میںایف آئی آرکے اندراج کے لیے استغاثہ جمع کروادیا۔سول ڈیفنس آفیسرمحمدتوقیر نے کہاکہ سلنڈر کی ریفلنگ سے حادثات سے اضافہ ہورہا ہے غیر قانونی ری فلنگ کرنے والے افراد کے خلاف سخت ایکشن لیتے ہوئے کارروائی عمل میں لائی جائےگی۔انہوں نے مزید کہاکہ شہری اپنے ارد جہاں بھی غیرقانونی ری فلنگ کا عمل دیکھیں تو شکایت کریں جس پر فوراً کارروائی عمل میں لائی جائے گی۔
