لیہ(نمائندہ لیہ ٹی وی)وزیراعلی پنجاب مریم نواز شریف کا خصوصی افراد پر دست شفت ۔باہمت افراد(خصوصی افراد) کیلئے وزیراعلی پنجاب مریم نواز شریف ہمت کارڈ کا افتتاح کردیاگیا۔سوشل ویلفیئرکمپلیکس میں ہمت کارڈ تقسیم کرنے کی تقریب منعقد ہوئی جس کے مہمان خصوصی ایڈیشنل ڈپٹی کمشنر جنرل محمدشبیر احمدتھے۔تقریب میں حسنین خان گورمانی،سمعیہ عطاءشہانی،عابدانوار علوی،مہراسلم سمرائ،ڈاکٹرنوراکبربخاری،ڈپٹی ڈائریکٹرسوشل ویلفیئرخضرحیات،مینجرصنعت زار طاہرسعادت،ڈپٹی ڈائریکٹرڈویلپمنٹ کامران جاوید،ڈسٹرکٹ آفیسرماری سٹوپس نوید ظفر سمرائ،پنجاب بنک کے نمائندگان ودیگرموجودتھے۔ ایڈیشنل ڈپٹی کمشنر جنرل محمدشبیر احمدنے گفتگوکرتے ہوئے کہاکہ وزیر اعلی پنجاب مریم نواز شریف خصوصی افراد کو خصوصی پروٹوکول دینے کے لیے کوشاں ہے اِن کے مسائل کے حل کیلئے عملی اقدامات اُٹھائے جارہے ہیں تاکہ ان کی مشکلات کو مزید کم کیاجاسکے آج ا ن میں ہمت کارڈ کی تقسیم اس سلسلہ کی عملی کڑی ہے جسے مزید وسیع کیاجائے گا ۔ڈپٹی ڈائریکٹرسوشل ویلفیئرخضرحیات نے کہاکہ لیہ کے 700،تحصیل کروڑ کے 189،تحصیل چوبارہ کے 60ہمت کارڈ آچکے ہیں جو تقسیم کیے جارہے ہیں جس میں پہلی قسط نقد دی جارہی ہے جبکہ ہرتین ماہ بعد 10ہزار پانچ سوروپے اے ٹی ایم کے ذریعے دیے جائیں گے۔اس موقع پر خصوصی افراد میں ہمت کارڈ تقسیم کیے گئے
