ملتان(لیہ ٹی وی)چیف ایگزیکٹو آفیسر ویسٹ منیجمنٹ کمپنی کبیر خان کی ہدایت پر ویسٹ منیجمنٹ کمپنی نے گزشتہ روز شہر بھر میں بھرپور صفائی آپریشن کیا اس موقع پر پاک انگلینڈ ٹیسٹ سیریز کے روٹس پر بھی میگا صفائی آپریشن شروع کردیا گیا ہے۔چیف ایگزیکٹو آفیسر ویسٹ منیجمنٹ کمپنی کبیر خان نے گزشتہ روز شہر کے مخلتف علاقوں کا دورہ کیا اور صفائی کے حوالے سے بریفنگ لی۔انہوں نے کہا کہ ڈپٹی کمشنر کی ہدایت پر روٹس سے ملبہ جات اور کوڑا کرکٹ اٹھانے کا بھی آغاز کردیا گیا ہے جبکہ گنجان آباد یونین کونسلز میں خالی پلاٹوں سے بھاری مشینری کے ذریعے سکریپنگ بھی جاری ہے قبل ازیں سی ای او نے عملہ صفائی کی حاضری چیک کی اور بریفننگ بھی لی۔سی ای او نے کہا کہ ویسٹ منیجمنٹ کمپنی مہمان ٹیموں کیلئے شہر بھر کو صاف ستھرا اور سجاوٹ کررہی ہے اس حوالے سے عوامی شکایات کے ازالے کیلئے نئے کنٹینرز اور ڈرم ضروری مقامات پر منتقل کئے جارہے ہیں
