لیہ(نمائندہ لیہ ٹی وی)وزیراعلی پنجاب مریم نواز شریف کے کسان دوست منصوبہ کسان کارڈکے تحت ضلع لیہ کی تحصیل چوبارہ میں بھی کسان کارڈ تقسیم کردیے گئے ۔ سابق صوبائی پارلیمانی سیکرٹری زراعت محمدطاہررندھاوا،اسسٹنٹ کمشنر چوبارہ ثنا اللہ ہنجرا نے کسانوں میں کارڈ تقسیم کیے۔اس موقع پرمحمدطاہررندھاوانے کہاکہ حکومت پنجاب کے اس کسان کارڈ کے ذریعے صوبہ بھر میں پانچ لاکھ کسانوں کو 75 ارب کے بلا سود قرضہ جات دیے جائینگے کسان کارڈ سے شعبہ زراعت ترقی کرے گا ۔اسسٹنٹ کمشنر نے کہاکہ کسان کارڈ کی فراہمی میں میرٹ اور شفافیت کو برقرار رکھاگیا ہے کسان کارڈ میں کسی بھی قسم کی رہنمائی کے لیے محکمہ زراعت کا عملہ موجود ہے۔
