لیہ ( نمائندہ لیہ ٹی وی )وزیر اعلیٰ پنجاب مریم نواز شریف کے احکامات کی روشنی میں مواصلاتی نظام کو بحال رکھنے کے لئے ضلع میں بھر پور اقدامات جاری ہیں۔ ڈپٹی کمشنر امیرا بیدار کی ہدایت پر محکمہ ہائی ویز کی طرف سے سڑکوں کی تعمیر و مرمت کا کام تیزی سے جاری ہے۔ ایکسیئن ہائی ویز طاہر عزیز نے بتایا کہ رفیق آباد ، دھوری اڈا ، بھاگل اڈا، فتح پور بھکر روڈ پر تعمیر و مرمت کی جا رہی ہے جسے جلد مکمل کر لیا جائے گا جبکہ کروڑ بہل روڈ پر سفید لائن لگانے کا کام مکمل کر لیا گیا ہے۔ ایکسیئن نے بتایا کہ حالیہ بارشوں سے سڑکوں کے اطراف میں پڑنے والے گڑھوں کو مٹی سے بھرا جا رہا ہے جس کے لئے ہیوی مشینری اور سٹاف فیلڈ میں موجود ہے۔
