لیہ(نمائندہ لیہ ٹی وی) گورنمنٹ ایلیمنٹری سکول میرانی قدیم لیہ میں سالانہ میلادِ مصطفی کا اہتمام کیا گیا۔جس میں سکول کے تمام طلباءاور سٹافِ مدرسہ نے بھر پور شرکت فرمائی۔جماعت اول سے لے جماعت ہشتم کے طلباءنے مدحتِ رسولِ اکرم پیش کی سبحان اللہ جزاک اللہ اور درود و سلام سے پنڈال گونجتا رہا۔اس با برکت میلاد اور محفلِ نعت کی نقابت سینئر انگلش ٹیچر و شاعر میاں شمشاد حسین سرائی نے کی۔ سٹافِ مدرسہ میں سے حافظ شیخ محمد سعید اور شمشاد سرائی نے اپنا نعتیہ کلام با ترنم پیش کیا اور شمشاد سرائی کی معروف نعت ریڈیو لاھور سے ریکارڈڈ بھی سنوائی گئی۔آخر پر مدرسہ کے ہیڈ ماسٹر غلام مصطفیٰ نے اختتامیہ کلمات کہے اور حافظ سعید نے ختمِ قران پڑھا اورسلام پڑھایا۔ملک و قوم اور مدرسے کی سلامتی اور بھلائی کے لیے دعائیں مانگی گئیں آخر پر تمام طلباءکو مٹھائی تقسیم کی گئی۔
