لیہ: وزیر اعلیٰ پنجاب مریم نواز شریف کے وژن کے مطابق شہریوں کو ریلیف کی فراہمی اور ان کے مسائل کے فوری حل کے لیے ضلعی انتظامیہ کے اقدامات جاری ہیں۔ اس سلسلے میں اسسٹنٹ کمشنر لیہ زوہیب کریم نے اپنے دفتر میں اوپن ڈور پالیسی کے تحت شہریوں کی شکایات اور مسائل سنے۔ اس موقع پر انہوں نے شہریوں کے مسائل کے حل کے لیے متعلقہ حکام کو موقع پر ہی ضروری احکامات جاری کیے۔ اسسٹنٹ کمشنر نے اس عزم کا اظہار کیا کہ شہریوں کو ریلیف کی فراہمی، ان کے مسائل کا بروقت ازالہ اور سرکاری دفاتر تک آسان رسائی یقینی بنانے کے لیے عملی اقدامات جاری رکھے جائیں گے۔
