لیہ: لیہ گیٹ کی تعمیر کا کام تکمیل کے آخری مراحل میں داخل ہوگیا۔ ڈپٹی کمشنر لیہ آصف علی ڈوگر کی ہدایت پر ترقیاتی منصوبے پر جاری کام کی پیش رفت، معیار اور رفتار کا جائزہ لینے کے لئے اسسٹنٹ ڈائریکٹر ڈویلپمنٹ اسحاق کھیرانی نے لیہ گیٹ کے تعمیراتی کام کا معائنہ کیا اور جاری کام کا تفصیلی جائزہ لیا۔ انہوں نے متعلقہ حکام کو ہدایت کی کہ منصوبے کے باقی ماندہ کام کو مقررہ معیار کے مطابق جلد مکمل کیا جائے۔ انہوں نے کہا کہ لیہ گیٹ شہر کے داخلی راستے کی خوبصورتی میں اہم اضافہ ہوگا، اس لیے تعمیراتی کام میں معیار پر کسی قسم کا سمجھوتہ نہ کیا جائے۔ اس موقع پر تعمیراتی پیش رفت سے متعلق بریفنگ بھی دی گئی۔
