لیہ: اسسٹنٹ کمشنر کروڑ اصغر علی چیمہ نے فتح پور میں زیر تعمیر نادرا آفس کی عمارت کا معائنہ کیا اور جاری تعمیراتی کام کی پیش رفت کا جائزہ لیا۔ انہوں نے تعمیراتی کام کے معیار اور رفتار کا جائزہ لیتے ہوئے متعلقہ حکام سے بریفنگ لی اور کام کو مقررہ معیار کے مطابق بروقت مکمل کرنے کی ہدایت کی۔ بعد ازاں اسسٹنٹ کمشنر نے فتح پور لیڈیز پارک کا دورہ کیا اور پارک میں جاری ترقیاتی و تزئین و آرائش کے کام کا معائنہ کیا۔ انہوں نے جاری کام کی پیش رفت، صفائی ستھرائی اور پارک کے مجموعی انتظامات کا جائزہ لیتے ہوئے متعلقہ عملہ کو کام کی رفتار مزید بہتر بنانے اور معیار کو یقینی بنانے کی ہدایت کی۔
