احد ای کامرس سکینڈل: معطل پولیس اہلکاروں کی تعداد چار ہوگئی، پی ایس او سب انسپکٹر اور کانسٹیبل معطل، دو اہلکار پہلے ہی گرفتار

ڈی پی او لیہ کی کارروائی، پی ایس او سب انسپکٹر محمد اصغر اور کانسٹیبل محمد ایوب معطل؛ سابق ایس ایچ او عرفان باجوہ اور لیڈی سب انسپکٹر نادیہ ریاض پہلے سے اینٹی کرپشن کی تحویل میں، نادیہ ریاض کی درخواست ضمانت پر سماعت 30 جولائی تک ملتوی
لیہ : احد ای کامرس سکینڈل میں پیش رفت کے بعد معطل کیے گئے پولیس اہلکاروں کی تعداد چار ہو گئی ہے۔ اطلاعات کے مطابق ڈی پی او لیہ نے مبینہ طور پر موصول ہونے والی مختلف اطلاعات کی روشنی میں پی ایس او سب انسپکٹر محمد اصغر اور سکیورٹی کانسٹیبل محمد ایوب کو معطل کر دیا ہے۔ذرائع کے مطابق اس سے قبل سابق ایس ایچ او عرفان باجوہ اور لیڈی سب انسپکٹر نادیہ ریاض کو اینٹی کرپشن لاہور گرفتار کر چکی ہے اور ان کے خلاف کارروائی جاری ہے۔ادھر گزشتہ روز لیڈی سب انسپکٹر نادیہ ریاض کی درخواستِ ضمانت متعلقہ عدالت میں زیر سماعت آئی، تاہم عدالت نے مزید کارروائی کے لیے سماعت 30 جولائی تک ملتوی کر دی۔واضح رہے کہ احد ای کامرس سکینڈل کی تحقیقات مختلف متعلقہ اداروں کی جانب سے جاری ہیں، جبکہ معطلی اور گرفتاریوں کے بعد کیس کی مزید پیش رفت پر بھی نظر رکھی جا رہی ہے۔