لاہور: معروف کاروباری شخصیت میاں ادریس کو لاہور کے علامہ اقبال انٹرنیشنل ایئرپورٹ پر بیرونِ ملک روانگی کے دوران امیگریشن حکام نے حراست میں لے لیا۔
ذرائع کے مطابق میاں ادریس کا نام پی این آئی ایل (PNIL) میں شامل تھا، جس کے باعث امیگریشن حکام نے انہیں سفر سے روک کر متعلقہ اداروں کے حوالے کر دیا۔
ذرائع کا کہنا ہے کہ میاں ادریس کے خلاف 12 ارب روپے کے مبینہ بجلی فراڈ کے الزام میں ایف آئی اے فیصل آبادمیں مقدمہ نمبر 35/2026درج ہے۔
اسی کیس میں فیسکو کے دو سابق افسران سعید اختر اور خورشید عالم کو بھی حراست میں لے لیا گیا ہے۔ ذرائع کے مطابق متعلقہ ادارے مقدمے کی مختلف پہلوؤں سے تحقیقات کر رہے ہیں، جبکہ مزید گرفتاریوں کا بھی امکان ظاہر کیا جا رہا ہے۔
