اسلام آباد (نیوز ڈیسک)پاکستان کی آئی ٹی برآمدات نے مالی سال 2025-26کے دوران نئی بلند ترین سطح حاصل کرتے ہوئے 4 ارب 60 کروڑ ڈالر کا تاریخی ریکارڈ قائم کر دیا ہے، جو ملکی ٹیکنالوجی شعبے کی مسلسل ترقی کا واضح ثبوت ہے۔
سرکاری اعدادوشمار کے مطابق گزشتہ مالی سال کے مقابلے میں آئی ٹی برآمدات میں 20.6 فیصد سالانہ اضافہ ریکارڈ کیا گیا۔
اعدادوشمار کے مطابق جون 2026 میں بھی آئی ٹی شعبے کی کارکردگی نمایاں رہی، جہاں برآمدات23 فیصد اضافے کے بعد41 کروڑ 60 لاکھ ڈالر تک پہنچ گئیں۔
سرکاری ڈیٹا کے مطابق مالی سال2024-25 میں پاکستان کی آئی ٹی برآمدات3 ارب 80 کروڑ ڈالر تھیں، جبکہ مالی سال2025-26میں یہ بڑھ کر4 ارب 60 کروڑ ڈالر ہو گئیں۔
ماہرین کے مطابق آئی ٹی برآمدات میں یہ اضافہ ملکی معیشت، زرمبادلہ کے ذخائر اور ڈیجیٹل معیشت کے فروغ کے لیے خوش آئند پیش رفت ہے، جبکہ اس شعبے میں سرمایہ کاری، فری لانسنگ اور سافٹ ویئر سروسز کی بڑھتی ہوئی طلب نے بھی نمایاں کردار ادا کیا ہے۔
