اسلام آباد (لیہ ٹی وی) امریکا نے اعلیٰ تعلیم کے فروغ کے لیے 85 پاکستانی طلبا اور محققین کوفل برائٹ اسکالرشپس فراہم کر دی ہیں، جن کے تحت وہ امریکا کی مختلف جامعات میں ماسٹرز اور پی ایچ ڈی کی تعلیم حاصل کریں گے۔
یو ایس ایجوکیشنل فاؤنڈیشن اِن پاکستان (USEFP)کے مطابق رواں سال71 ماسٹرز، 14 پی ایچ ڈی جبکہ6 فل برائٹ فارن لینگویج ٹیچنگ اسسٹنٹ (FLTA) فیلوشپس دی گئی ہیں۔
اس پروگرام کے تحت منتخب پاکستانی طلبا اور محققین امریکا کی ممتاز جامعات میں مختلف شعبہ جات میں اعلیٰ تعلیم اور تحقیقی سرگرمیوں میں حصہ لیں گے۔
واضح رہے کہ فل برائٹ پروگرام امریکا اور پاکستان کی حکومتوں کے باہمی تعاون سے جاری دنیا کے نمایاں تعلیمی تبادلہ پروگراموں میں شمار ہوتا ہے۔
یو ایس ای ایف پی کے مطابق2005 سے اب تک 3 ہزار سے زائد پاکستانی طلبا اس پروگرام کے ذریعے وظائف حاصل کر کے امریکا میں اعلیٰ تعلیم اور تحقیق کے مواقع سے مستفید ہو چکے ہیں۔
