محکمہ ہائی ویز کی طرف سے رین کٹس کو مٹی سے بھرنے کا عمل جاری 

لیہ: ضلع میں مون سون بارشوں سے سڑکوں کے شولڈرز پر پڑنے والے کٹ / گڑھوں کو بھرنے کا عمل جاری ،ڈپٹی کمشنر لیہ امیرا بیدار کی ہدایت پر محکمہ ہائی ویز بھاری مشینری کے ذریعے رین کٹ کو بھرنے کے لئے فیلڈ میں متحرک، ایکسیئن ہائی ویز طاہر عزیز نے کہا کہ مسلسل بارشوں سے مین شاہراہوں اور کرپٹ لنک سڑکوں کے اطراف میں گڑھے بن گئے تھے۔ ضلع بھر میں نشاندہی کردہ رین کٹس کو مٹی سے بھرنے کے لئے اقدامات جاری ہیں۔ رین کٹس بھرنے کے لئے بھاری مشینری اور سٹاف فیلڈ میں متحرک ہے۔