مستونگ میں سکول پر بزدلانہ حملہ انسانیت اور تعلیم پر حملہ ہے،سماجی رہنما و صدر ینگ پاکستانیز آرگنائزیشن نعیم اقبال نعیم

ملتان( لیہ ٹی وی)سماجی رہنما و صدر ینگ پاکستانیز آرگنائزیشن نعیم اقبال نعیم نے کہا ہے کہ مستونگ میں سکول پر بزدلانہ حملہ انسانیت اور تعلیم پر حملہ ہے جس میں بے گناہ معصوم بچوں کی شہادت پر ہر پاکستانی افسردہ اور غمگین ہے افواج پاکستان اور سکیورٹی فورسز ان عناصر کے خلاف سخت کارروائی کرتے ہوئے معصوم بچوں کی شہادت کا بدلہ لیں آج پھر سانحہ APS پشاور کی یاد تازہ ہوگئ اور آج ایک بار پھر معصوم بچوں نے اپنے خون سے تاریخ رقم کی ہے۔ تعلیم اور ملک دشمن قوتوں کے آلہ کار دہشت گردوں کو نشان عبرت بنانے کے لیے پوری قوم اپنی افواج پاکستان اور سکیورٹی فورسز کے ساتھ ہے۔ اللّٰہ تعالیٰ مرحومین اور شہدائے مستونگ کی مغفرت فرمائے اور ان کو جنت الفردوس میں اعلیٰ مقام عطا فرمائے اور لواحقین کو صبر جمیل عطاء فرمائے آمین