سیالکوٹ(لیہ ٹی وی )ڈپٹی کمشنر محمد ذوالقرنین نے کہا ہے کہ موسمیاتی تبدیلیوں کے چیلنجز سے نمٹنے کے لیے زیادہ سے زیادہ شجرکاری کرنا ہو گی اور معاشرے میں درختوں کی اہمیت کے بارے میں شعور بیدار کرنا وقت کی اہم ضرورت ہے ۔سماجی تنظیمیں اور ’’پلانٹ فار پاکستان‘‘ مہم کے تحت محنت اور لگن کے ساتھ شجرکاری کرنے والے سماجی کارکنان کی حوصلہ افزائی کی جائے گی۔ان خیالات کا اظہار انہوں نے روز ویلفیئر آرگنائزیشن کے صدر محمد اشفاق نذر کو بہترین کارکردگی پر شیلڈ دینے کے موقع پر کیا۔ ضلع بھر میں اپنی مدد آپ کے تحت مون سون میں بڑے پیمانے پر شجرکاری کرنے پر ڈپٹی کمشنر محمد ذوالقرنین نے بہترین کارکردگی پر روز ویلفیئر آرگنائزیشن کے نائب صدر میاں اعجاز انجم اور دیگر عہدیداران و ممبران کو مبارکباد دی اور کہا کہ امید ہے کہ آپ پورے ضلع میں درخت لگائیں گے۔ ضلع میں پہلے سے زیادہ تاکہ ماحولیاتی آلودگی کو کم کیا جاسکے۔ یاد رہے کہ سماجی رہنما محمد اشفاق نذر کو وزیر اعظم پاکستان اور وزارت موسمیاتی تبدیلی حکومت پاکستان کی جانب سے کلین گرین پاکستان کے چیمپیئن ایوارڈ سے نوازا گیا تھا۔
