گگو منڈی (لیہ ٹی وی )چک 181 ای۔بی کے قریب ڈاکوؤں اور پولیس کے درمیان فائرنگ کا تبادلہ۔2 ڈکیت گرفتارتفصیلات کے مطابق تھانہ گگو منڈی کی حدود چوک شاہ جنید روڈ چک نمبر 181 ای۔بی کے قریب اہل علاقہ کے لوگوں نے ڈاکوؤں کو روکنے کی کوشش کی تو ڈاکو عوام پر سیدھی فائرنگ کرتے ہوئے مکئی کی فصل میں چھپ گئے۔
اہل دیہہ نے فصل کو گیرا ڈالنے کے ساتھ ساتھ پولیس کو اطلاع دے دی۔اطلاع ملتے ہی تھانہ گگو منڈی پولیس سب انسپکٹر ارشاد سکھیرا اور اسسٹنٹ سب انسپکٹر ملک عباس بھاری نفری کے ہمراہ موقع پر پہنچ گئے۔پولیس کے پہنچنے پر ڈاکوؤں نے پولیس اور اہل دیہہ کے لوگوں پر سیدھی فائرنگ شروع کردی۔جس پر پولیس اور اہل دیہہ کے لوگوں نے جوابی فائرنگ کرتے ہوئے 2 ڈاکوؤں کو مکئی کی فصل سے گرفتار کرلیا جبکہ ایک ڈکیت فرار ہوگیا۔پولیس نے ڈاکوؤں کے قبضہ سے رائفلیں برآمد کرکے انہیں پابند سلاسل کردیا
