سرگودھا(لیہ ٹی وی) آرٹس کونسل کمپلیکس سرگودھا میں یوم اساتذہ کے حوالے سے تقریب کا انعقاد کیا گیا۔ضلعی انتظامیہ کے زیر اہتمام یوم اساتذہ کے موقع پر ایک شاندار تقریب کا انعقاد کیا گیا جس میں ضلع بھر کے اساتذہ نے شرکت کی۔تقریب میں غیر معمولی کارکردگی دکھانے پر ضلع بھر کے سرکاری سکولوں کے 133 مرد و خواتین اساتذہ میں بہترین تدریسی ایوارڈز تقسیم کئے گئے۔تقریب کا مقصد اساتذہ کی خدمات کو سراہنا اور ان کے کردار کی اہمیت کو اجاگر کرنا تھا۔ ڈپٹی کمشنر (ڈی سی) محمد وسیم اے ڈی سی جی عمر فاروق، ڈائریکٹر سکولز ایجوکیشن وحیدالدین شاہ، ایڈیشنل ڈائریکٹر (اے ڈی) محمد طاہر، ڈی او میل احتشام الحق اور پروفیسر ڈاکٹر ہارون الرشید تبسم کے علاوہ اساتذہ، طلباء و طالبات نے بھی شرکت کی۔ اور دیگر تمام شعبہ ہائے زندگی سے تعلق رکھنے والے افراد نے تقریب میں شرکت کی۔اپنے خطاب میں ڈی سی نے اساتذہ کی محنت اور لگن کو خراج تحسین پیش کرتے ہوئے کہا کہ اساتذہ وہ بنیاد ہیں جن پر کسی قوم کی ترقی اور خوشحالی کا انحصار ہوتا ہے، انہوں نے کہا کہ تعلیم کا شعبہ وہ مقام ہے جہاں مستقبل کی سوچ اور ہنر محمد وسیم نے مزید کہا کہ کوئی بھی معاشرہ اپنے اساتذہ کے حقوق کے تحفظ کے بغیر ترقی نہیں کر سکتا جبکہ پنجاب حکومت اپنے ملک کے معماروں کے تحفظ کو یقینی بنا رہی ہے اور تمام بنیادی سہولیات فراہم کر رہی ہے۔ڈی سی نے اس بات پر زور دیا کہ سماجی ترقی کے لیے اساتذہ کی حمایت اور قدر کرنا ضروری ہے۔ .تقریب میں مختلف سکولوں کے طلباء نے اساتذہ کی خدمات کے اعتراف میں مختلف پروگرام پیش کئے۔
