ملتان(لیہ ٹی وی)حکومت پنجاب کی جانب سے صحت کی سہولیات کی موثر مانیٹرنگ کا آغاز کردیا گیا اس سلسلے میں کمشنر ملتان ڈویژن مریم خان اور ڈپٹی کمشنر وسیم حامد سندھو نے برن یونٹ کا دورہ کیا اور صحت کی سہولیات اور مخلتف وارڈز کا معائنہ کیا کمشنر مریم خان نے ہسپتال بلڈنگ کی اپ گریڈیشن کیلئے موثر پلاننگ کرنے کا حکم دیتے ہوئے کہا کہ برن یونٹ میں مکمل میڈیکل فیکلٹی اور پیرا میڈیکل سٹاف موجود ہے۔پلاسٹک سرجری اور برن کا مکمل علاج و معالجہ جاری ہے۔ آرٹیفیشل سکن سمیت تمام سرجریاں کی جارہی ہیں۔ڈی سی وسیم حامد سندھو نے کہا کہ برن یونٹ اس خطے کے ہزاروں مریضوں کو ریلیف فراہم کررہا ہے۔انتظامیہ نے ہسپتالوں میں سہولیات کی سخت مانیٹرنگ شروع کی ہے۔
