وزیر اعلیٰ پنجاب مریم نواز شریف کے ستھرا پنجاب پروگرام پر عملدرآمد جاری

لیہ( نمائندہ لیہ ٹی وی) وزیر اعلیٰ پنجاب مریم نواز شریف کے ستھرا پنجاب پروگرام پر عملدرآمد جاری ہے۔ ڈپٹی کمشنر امیرا بیدار کی ہدایت پر ضلع میں صفائی ستھرائی کے ساتھ ساتھ شاہراہوں پر زیبرا کراسنگ لگائی جا رہی ہیں۔ ایکسیئن ہائی ویز طاہر عزیز نے بتایا کہ مرکزی شاہراہوں پر خصوصاً رش والی عوامی گزر گاہ، چوک و چوہراہوں پر زیبرا کراسنگ لگائی جا رہی ہیں جس سے نہ صرف حادثات کی روک تھام میں مدد ملے گی بلکہ شاہراہوں کی خوبصورتی میں بھی اضافہ ہوگا۔ انہوں نے بتایا کہ ہائی ویز سٹاف فیلڈ میں متحرک ہے اور بہت جلد ٹاسک مکمل کر لیا جائے گا۔