ملتان (لیہ ٹی وی)ایڈیشنل چیف سیکرٹری ساوتھ پنجاب فواد ہاشم ربانی نے آج جنوبی پنجاب سیکرٹریٹ کے مکمل ہونیوالے حصے زون 6 میں قائم دفاتر کا دورہ کیا۔ سیکرٹری سروسز ساوتھ پنجاب انجینئر امجد شعیب خان ترین بھی ان کے ہمراہ تھے۔ ایڈیشنل چیف سیکرٹری نے افسران اور سٹاف ممبران سے ملے اور دفاتر اور سٹاف کے ورکنگ اسٹیشن کا جائزہ لیا۔ اس موقع پر انہوں نے گفتگو کرتے ہوئے بتایا کہ زیر تعمیر سیکرٹریٹ کے دیگر زون بھی جلد مکمل کر لئے جائیں گے اور ملتان میں قائم تمام ایڈمنسٹریٹیو سیکرٹریز کے دفاتر نئی بلڈنگ میں شفٹ کر دئے جائیں گے۔ فواد ہاشم ربانی نے کہا کہ نئی بلڈنگ کارپوریٹ کلچر کی عکاس ہے اور تمام دفاتر ایک چھت تلے منتقل ہونے سے محکموں کی کارکردگی میں اضافہ ہوگا، دفاتر کی مانیٹرنگ بہتر ہوگی اور عوام کے مسائل جلد حل ہونگے۔ انہوں نے کہ ساوتھ پنجاب سیکرٹریٹ کی عمارث خطے کے اثاثوں میں خوبصورت اضافہ ہے۔ ایڈیشنل چیف سیکرٹری ساوتھ پنجاب نے آئی ڈیپ کے انجینئرز کو بلڈنگ کے دیگر زون جلد مکمل کرنے کی ہدایت کی۔ انہوں نے پی ایچ اے کو بھی لینڈ سکیپنگ کا کام مکمل کرنے کا حکم دیا
جمعہ, دسمبر 5, 2025
