لاہور ہائیکورٹ، ماتحت عدالتیں 17 ستمبر کو بند رہیں گی

لاہور(نمائندہ لیہ ٹی وی) عید میلادالنبی صلی اللہ علیہ وسلم کے سلسلے میں لاہور ہائی کورٹ اور پنجاب کی ماتحت عدالتیں 17 ستمبر (منگل) کو بند رہیں گی۔ لاہور ہائیکورٹ کے جاری کردہ نوٹیفکیشن کے مطابق لاہور ہائیکورٹ کی چیف جسٹس مس عالیہ نیلم نے 17 ستمبر کو لاہور ہائیکورٹ اور ماتحت عدلیہ کے لیے تعطیل کا اعلان کیا۔ لاہور ہائی کورٹ کی پرنسپل سیٹ، اس کے الائیڈ بنچز بشمول بہاولپور، ملتان اور راولپنڈی اور پنجاب کی سول اور سیشن عدالتیں 17 ستمبر کو چھٹی منائیں گی۔