لیہ( نمائندہ لیہ ٹی وی) میرٹ پر فراہمی انصاف کے عمل کو تیزبنانے کےلئے ڈی پی او لیہ اسدا لرحمن کی طرف سے کھلی کچہریوں کے انعقاد کا سلسلہ جاری ،امروز جامع مسجد اشرف المدارس چوک اعظم روڈ میں بعد از نمازجمعہ منعقدہ کھلی کچہری کے دوران ڈی پی او اسد الرحمن نے سائلین کی طرف سے پیش کردہ درخواستوں کی سماعت کی
اور متعلقہ پولیس افسران کو موقع پر ہدایات جاری کرتے ہوئے کہا کہ معاملات کو جلد از جلد حقائق کی بنیاد پر حل کرکے رپورٹ سماعت میں بھجوائیں ،ڈی ایس پی صدر و دیگر پولیس افسران بھی ان کے ہمراہ تھے ،شہریوں کی طرف سے مساجد میں کھلی کچہری کے انعقاد کو سراہتے ہوئے مثبت اقدام قرار دیا گیا ،شہریوں کا کہنا تھا کہ اس اقدام سے عام شہریوں کو براہ راست اعلیٰ افسران تک رسائی ملتی ہے اور وہ اپنے مسائل بلا جھجک اعلیٰ افسران کو پیش کر سکتے ہیں
