لیہ( نمائندہ لیہ ٹی وی) شہریوں کے پولیس سے متعلقہ مسائل کے بروقت حل ،میرٹ پر انصاف کی فراہمی اور جرائم کے سد باب کےلئے ہر ممکن اقدامات عمل میں لائے جا رہے ہیں،ضلع کو کرائم فری بنا کر پر امن معاشرے کو یقینی بنایا جائے گا
،ان خیالات کا اظہار ڈی پی او لیہ اسد الرحمن نے منعقدہ کھلی کچہریوں کے دوران کیا،ڈی پی او لیہ نے امروز دومقامات پر کھلی کچہری کا انعقاد کیا،پہلی کھلی کچہری امیر فلنگ اسٹیشن عید گاہ روڈ جبکہ دوسری کھلی کچہری
احسان الحق پٹرولیم ٹیل انڈس میں کی گئی ،ڈی ایس پی صدر عمران خورشید ،ایس ایچ او تھانہ سٹی ،ایس ایچ او تھانہ صدر ،کمپلینٹ سیل عملہ و دیگر سٹاف ان کے ہمراہ تھا،ڈی پی او لیہ نے خود سائلین کے مسائل سنے اور متعلقہ پولیس افسران کو ہدایت کی کہ میرٹ پر کاروائی کرتے ہوئے معاملات کو حل کرکے فیڈ بیک سماعت میں جلد از جلد بھجوائیں
