راولپنڈی(لیہ ٹی وی)موسلا دھار بارش کے باعث ٹاس میں تاخیر ،پاکستان اور بنگلہ دیش کے درمیان جمعہ کو راولپنڈی میں کھیلے جانے والے دوسرے کرکٹ ٹیسٹ کے افتتاحی دن کا کھیل ختم ہونے کا خطرہ پیدا ہوگیا ہے۔دونوں ٹیمیںہوٹل میں موجود ، امپائرز بارش رکنے کے بعد ہی گراؤنڈ کا معائنہ کریں گے، محکمہ موسمیات نے وقفے وقفے سے مون سون بارش کی پیش گوئی کی تھی۔اتوار کے روز راولپنڈی میں بنگلہ دیش کے پہلے ٹیسٹ میں جیت کے بعد دو میچوں کی سیریز برابر کرنے کے لیے بے چین پاکستانی ٹیم کے لیے یہ برا شگون ہے۔پاکستان نے تیز بائولر شاہین شاہ آفریدی کو اپنے 12 رکنی اسکواڈ سے باہر کر دیا ہے،۔پاکستانی ٹیم میں شان مسعود (کپتان)، سعود شکیل (نائب کپتان)، ابرار احمد، عبداللہ شفیق، بابر اعظم، خرم شہزاد، میر حمزہ، محمد علی، محمد رضوان (وکٹ کیپر)، نسیم شاہ، صائم ایوب، سلمان عل شامل ہیں
