ڈسٹرکٹ ڈرگ کوالٹی کنٹرول بورڈ کا اجلاس،10کیسز پیش، 2 کو وراننگ ،2 ری وزٹ کرنے،ا1 ختم5کیس کو عدالت بھیجنے کی منظوری

لیہ24اگست (لیہ ٹی وی )ایڈیشنل ڈپٹی کمشنر ریونیو محمدشاہد ملک کی زیرصدارت ڈسٹرکٹ ڈرگ کوالٹی کنٹرول بورڈ کا اجلاس منعقد ہوا۔اجلاس میںچیف ایگزیکٹوآفیسرصحت ڈاکٹرشاہدریاض،ڈرگ کنٹرولرشاہدظفر،ڈرگ انسپکٹرز شاہدکمال،اویس قمر، کوآپریٹو ممبرلیاقت چوہدری،سیکرٹری بورڈ عامرشکیل موجودتھے۔اجلاس میں 10کیسز پیش کیے گئے جس میں دو کیسز کو وراننگ ،دو کو ری وزٹ کرنے،ایک کیس کوختم کرنے،پانچ کیس کو عدالت بھیجنے کی منظوری دی گئی۔ ایڈیشنل ڈپٹی کمشنر ریونیو محمدشاہد ملک نے اجلاس سے خطاب کرتے ہوئے کہاکہ بڑے میڈیکل سٹورز اور کمپنیوں کے میڈیسن سٹور کو چیک کیاجائے اورجعلی و زائد المعیاد ادویات کی فروخت وموجود گی پرسخت ایکشن لیاجائے ۔انہوں نے کہاکہ کریانہ و پنسار سٹور کو بھی چیک کیاجائے اور خلاف ورزی کے مرتکب افراد کے خلاف کارروائی عمل میں لائی جائے ۔