لیہ24اگست( لیہ ٹی وی)وزیر اعلیٰ پنجاب کا ویژن ْانصاف ہر شہری کا حق ٗ پر عمل کرتے ہوئے ڈی پی او لیہ اسد الرحمن کی سربراہی میں لیہ پولیس کی طرف سے مسجد کرنال والی تھانہ سٹی لیہ میں کھلی کچہری کا انعقاد کیا گیا ،ڈی پی او لیہ نے خود سائلین کے مسائل سنے ،اسد الرحمن نے پولیس سے متعلقہ مسائل کے حل کےلئے متعلقہ پولیس افسران کو موقع پر ہدایات جاری کیں ،ڈی ایس پی صدر عمران خورشید و دیگر افسران ان کے ہمراہ تھے،ڈی پی او لیہ اسد الرحمن نے کھلی کچہری کے شرکاء سے خطاب کرتے ہوئے کہا کہ جرائم کا خاتمہ کرکے شہریوں کا احساس تحفظ فراہم کیا جائے گا ،شہریوں کے جان و مال کے تحٖفظ کےلئے ہر ممکن اقدامات عمل میں لائے جا رہے ہیں ،کھلی کچہری کے اختتام پر سانحہ میں شہید ہونے والے پولیس افسران کےلئے خصوصی دعا کی گئی
