پاکستان پیپلز پارٹی جنوبی پنجاب کے صدر اور سینئر نائب صدر نے رحیم یار خان میں پولیس پارٹی پر حملے کی مذمت

ملتان24اگست(لیہ ٹی وی) پاکستان پیپلز پارٹی جنوبی پنجاب کے صدر اور سینئر نائب صدر نے رحیم یار خان میں پولیس پارٹی پر حملے کی مذمت کی ہے جس میں 12 افراد شہید ہو گئے۔جمعہ کو یہاں جاری ایک بیان میں مخدوم احمد محمود نے واقعہ پر گہرے دکھ کا اظہار کیا۔ انہوں نے کہا کہ پوری قوم کو اس سانحہ پر گہرا دکھ ہوا ہے اور شہداء کے خاندانوں سے دلی تعزیت اور ہمدردی کا اظہار کرتی ہے۔انہوں نے زخمی پولیس اہلکاروں کی جلد صحت یابی کے لیے بھی دعا کی اور شہید اہلکاروں کے درجات کی بلندی اور لواحقین کے لیے صبر جمیل کی دعا کی۔پیپلز پارٹی جنوبی پنجاب کے سینئر نائب صدر خواجہ رضوان عالم نے کہا کہ ملک میں دہشت گردی کے خاتمے اور امن و امان کے قیام کے لیے پولیس اور قانون نافذ کرنے والے اداروں نے قربانیاں دیں۔ انہوں نے کہا کہ شہید اہلکاروں کا خون کبھی رائیگاں نہیں جائے گا۔