چھاتی کا کینسر ایک موذی مگر قابل علاج مرض ہے بروقت تشخیص سے بریسٹ کینسر کا علاج ممکن ہے،کنسلٹنٹ گائناکالوجسٹ ڈاکٹر ناصرہ نسیم

ملتان(لیہ ٹی وی) معروف کنسلٹنٹ گائناکالوجسٹ ڈاکٹر ناصرہ نسیم نے کہا ہے کہ چھاتی کا کینسر ایک موذی مگر قابل علاج مرض ہے بروقت تشخیص سے بریسٹ کینسر کا علاج ممکن ہے خواتین خود پر اپنا معائنہ کریں اگر جسم میں کسی قسم کی کوئی تبدیلی یا گلٹی محسوس ہو تو فوراً طبی معائنہ کروائیں خواتین کی عدم توجہی اور خاموشی کے باعث یہ مرض جان لیوا بنتا جارہا ہے ان خیالات کا اظہار انہوں نے چھاتی کے کینسر کے خلاف آگاہی کے عالمی دن کے موقع پر بریسٹ کینسر آگاہی ماہ کے سلسلے میں ینگ پاکستانیز آرگنائزیشن کے زیر اہتمام تین روزہ آگاہی سیشن کے آخری دن ڈیپارٹمنٹ آف ہیومن نیوٹریشن فیکلٹی آف فوڈسائنسز بہاءالدین زکریا یونیورسٹی ملتان میں منعقدہ سیمینار سے بحیثیت مہمان خصوصی خطاب کرتے ہوئے کیا اس موقع پر چیئرپرسن ڈیپارٹمنٹ آف ہیومن نیوٹریشن یونیورسٹی آف سینٹرل پنجاب ڈاکٹر کنزا نے سیمینار کی صدارت کی. تقریب کے منتظم نعیم اقبال نعیم صدر ینگ پاکستانیز آرگنائزیشن نے کہا کہ ینگ پاکستانیز آرگنائزیشن پنک ربن ڈے کے حوالے سے سہہ روزہ تقریبات کا اہتمام کیا اور مختلف تعلیمی اداروں کی طالبات کو بریسٹ کینسر کی وجوہات، ادراک، علاج اور تحفظ کے موضوع پر لیکچر دیئے تاکہ وہ نہ صرف خود کو اس مرض کا شکار ہونے سے بچا سکیں بلکہ اپنے اردگرد کی خواتین کو بھی اس سے بچاؤ کیلئے آگاہی دیں. اس موقع پر سیمینار سے ڈاکٹر کنزا، چیئرمین ڈیپارٹمنٹ آف ہیومن نیوٹریشن ، فیکلٹی آف فوڈ سائنسز بہاءالدین زکریا یونیورسٹی ڈاکٹر محمد توصیف سلطان، ایسوسی ایٹ پروفیسر ڈاکٹر خرم افضل نے خطاب کرتے ہوئے کہا کہ خواتین خصوصاً لڑکیاں اپنی غذا کی طرف سے بے پرواہی برتتی ہیں ہیلتھی لائف کیلئے ہیلتھ کیئر کے اصول کے مطابق غذا کا استعمال ضروری ہے انہوں نے تقریب کے آخر میں مہمانان گرامی اور منتظمین میں کئیر کاسمیٹکس کی جانب سے تحائف پیش کئے اور معلوماتی لیکچر کے انعقاد پر منتظمین کی کاوشوں کو سراہا۔ اس موقع پر کئیر کاسمیٹکس کے جی ایم دانیال عزیز، ینگ پاکستانیز آرگنائزیشن کے انفارمیشن سیکرٹری علی رضا مرزا، ممبر رانا حاکم علی ،نعیم سرور چوہان، سحرش خان، ڈیپارٹمنٹ آف ہیومن نیوٹریشن کی طالبات نے بھی خطاب کیا۔