اسلام آباد (لیہ ٹی وی) پاکستان میں سعودی عرب کے سفیر نواف بن سعید احمد المالکی نے جمعرات کو نائب وزیراعظم و وزیر خارجہ محمد اسحاق ڈار سے ملاقات کی۔ملاقات کے دوران باہمی دلچسپی کے دو طرفہ، علاقائی اور عالمی امور پر تبادلہ خیال کیا گیا۔نائب وزیراعظم نے پاکستان اور سعودی عرب کے درمیان گہرے اور برادرانہ تعلقات کی اہمیت پر زور دیا۔انہوں نے مملکت سعودی عرب کے 94ویں قومی دن کے موقع پر نیک خواہشات کا اظہار کیا۔ڈی پی ایم ڈار نے مختلف بین الاقوامی پلیٹ فارمز پر پاکستان کے لیے مملکت کی غیر متزلزل حمایت کو سراہا۔سعودی سفیر نے پاکستان اور سعودی عرب کے درمیان سٹریٹجک شراکت داری کو مزید مضبوط بنانے کے لیے مملکت کے عزم کا اعادہ کیا۔
